Hver er stefnan

"Að um leið og umræðan fari að snúast um hugmyndafræði og stefnumál muni flokkurinn rétta hlut sinn"

Já hver hefur hindrað ykkur í því að ræða hugmyndafræðina og stefnuna á mannamáli?
Hvar er stefna ykkar?  Hver er stefna ykkar? Hvernig ætlið þið nákvæmlega að halda á eða stjórna ríkisfjármálum ef þið komist að? Hvernig ætlið þið að borga skuldirnar og rétta af fjárlagahallann?
Heldur þú virkilega að það séu einhverjir þegnar þessa lands sem vilja hærri skatta?

Upp á síðkastið hafið þið aðeins talað um hvað hinir ætla að gera. Það getum við lesið um sjálf og þurfum ekki að láta túlka það fyrir okkur.  Ég er búinn að fara í gegnum og hlusta á nær allar upptökur af landsfundinum og er ekki mikið nær, satt best að segja.

Á að treysta fólki sem ver nær öllum sínum tíma á alþingi í minna mikilvæg atriði eins og stjórnlagaþing en neitar að ræða um vanda heimilanna og fyrirtækjanna?  Nema, já ég veit það. Fórna meira fyrir minna.
Voru það ekki sjálfstæðismenn sem voru í stjórn þegar tekjuskattur var hækkaður seinast?
Var það ekki sjálfstæðismaður sem hækkaði útvarpsgjöld um 20-25% á fölskum forsendum á seinustu metrunum í fjárlagaumræðunni?  Falskar forsendur eru að segja að það þurfi að hækka skattinn vegna þess að það þurfi að taka RÚV af auglýsingamarkaði, gera það svo ekki en hækka skattinn! Ég sé satt best að segja ekki hver er hvítþvegið bleyjubarn! 

„Hvítþvegin bleyjubörn“

Athugasemdir

[Kolbrún Bára (IP-tala skráð) 10.4.2009 kl. 19:17]

Ég er bæði sár og svekkt.

Græðgi og siðspilling, einstakra stjórnmálamanna í framvarðarsveit sjálfstæðisflokksins, eru ótrúleg, sé tekið mið af  upplýstu og siðuðu samfélagi 21. aldar. Þessir einstaklingar nýttu aðstöðu sína, svo um munaði, til að þjóna eigin hagsmunum. Takmarkið var, að græða meiri  og meiri og ennþá meiri peninga á kostnað annarra. Þjóðarhollusta var og er  þyrnir í augum þessa fólks. Þau tóku  þátt í sukkinu, með afgerandi hætti. Lofuðu ósómann í nafni þjóðarinnar og dönsuðu villta dansa  í kringum gullkálfinn. Það eru sannarlega ljót lög, sem verja ljótar gerðir. Tímabært að líta aðeins á þau lög, sem gera mönnum kleift, að taka lán og borga ekki, en láta síðan mig borga, hvaða siðferðisleg rök mæla með því? Eru ekki lögin til að verja borgarana? Þorgerður Katrín, Illugi, Guðlaugur Þór. Þetta eru "súperstjörnur" og "front"-andlit flokksins í Reykjavík og nágrenni. Kjósendur góðir ætlið þið að veita þessum stjörnum brautargengi áfram í næstu kosningum?  Teljið upp að 5, það nægir.